صورة خيانة - طارق عطية

صورة خيانة

صورة ثبتت جوة عيني
صورتك وأنت في حضنها

عدي عليا شريط سنيني
قلت ياريتني ما عشتها

فيها ايه مش فيا أنا
فيها إيه بترتاح لها

لو التمن طعم الهنا
أنا كنت أعمل زيها
..............................
هو

إن كان دفاعي وأسفي
له عندك معاني

أنا مستعد ولو حكمتي
اعيده تاني

لحظة هوان من قلب خان
وكان أناني

عمره ماكان محروم حنان
ولا ليه أماني

صدقي دقت الندم وياريت
تكوني مصدقاني
............................
هي

حط نفسك لو مكاني
حتعمل إيه

مع إني عمري ماكنت أفكر
نفسي فيه

ناقصني ايه ما تقول عليه

اصعب إهانة للحبيبة
إحساسها بيه

لا الإعتذار ولا الإنتظار
كان حيداريه

حتي السماحة والصراحة
ما بتداويه
...................................
هو

إحنا حياتنا آسينا فيها
عشان تكون

أنا مش مصدق أنها في
لحظة تهون

آسية الظنون.قلبك حنون
فين سماحتك وابعدي
عنها الشجون
............................
هي

كلام غريب ولا هوش قريب
من طبعنا

أمتي الحبيب كان له نصيب
غير حضننا

وليه نسيت بالخيانة ذكرياتنا
وحبنا
...............................
هو

سامحيني وحياة اللي كان
بين قلبنا

هاتي ايديكي تعالي نمسح
دمعنا

أحلف يمين يشهد يميني
ربنا

اخلاصي عنوانه يكون
قلبي أنا

طارق عطية