ليه؟ - مايسة ال أشي

" ليه؟ "

(((ليه ؟)))

ليه كل حاجه حلوة
تنتهى قبل المعاد؟

ليه فرحتى تتوؤد
قبل مايجى الميلاد ؟

ليه دمعتى تخفى ابتسامه
وعلى الخدود موجود علامه ؟

ليه جوة منى صوت اهات
ليه فرح عمرى ميجيش ساعات؟

ليه شمسنا ديما بتغرب قبل الشروق .؟
ليه نترعب لما نضحك من غير دموع ؟

ليه حزننا راشق معشش فى الضلوع ؟
ليه حبنا ديما يعيش من غير شموع ؟

ليه لما احبك لازم اخبيك ع العيون ؟
واخفى اشتياقى ولوعتى ويا للحنيين؟

وليه لما اغنى ناييى حزين ؟
وليه الزهور تختفى قبل الربيع ؟

انا
انا نفسى احبك من غير دموع
اخبى قصه حبنا بين الضلوع

واغزل بحبات المطر عنقود فر ح
واعيش كتير ويا المرح
واقول للدنيا كلها قلبى انشرح

يزرع امال جوه القلوب
انا نفسى اعيش من غير وجع

وافرح واعيش وسط الشجر
وازرع امان جوه النفوس

وازرع امل

" مايسة ال أشي "

maysa al ashy