مشتاق من ديواني سر الحبق _ راضي مشيلح

مشتاق من ديواني سر الحبق
________________________ 
من جروح الغيم
بيطل القمر
ولهان بيبين من الطاقه
لعيون بتزورو
تتكحل بنوره
وقديشها لعيون سراقا
وانت احسبيني غيوم
طلي من جروحي
ضوي قصر روحي
ضاع الصبر مني
وبعدك بتستني شو ناطرا
شو ناطرا قومي اسبقي الايام
عا صهوة الاحلام
بيكفا تظلي محياره
مشتاق كلمه زغيرا
خلي الدني تحلا
وتقلنا اهلا
ومشتاق اتلاقا بمشتاقا
من جروح الغيم
بيطل القمر
ولهان بيبين من الطاقا
ءءءءءءءءءءءءءءءء
بقلمي راضي مشيلح